Почитувани,
на 13. издание на овој престижен меѓународен натпревар, што се одржа во периодот 14-22 Декември 2024, учествуваа 36 држави во сениорска конкуренција и 30 држави во јуниорска конкуренција. Македонија зеде учество во обете категории.
Нашите сениори остварија одличен резултат: екипно го освоија 10. место, а поединечно освоија две први награди (Алексиј Тасиќ и Дамјан Давков) и една трета награда (Леонид Тодороски). Нашиот натпреварувач Алексиј Тасиќ е само еден од четворицата сениори со 100% резултат на натпреварот, ги освои максималните можни 40 поени, за што е награден со златен медал. Тој е првиот Македонец кој остварува ваков исклучителен подвиг! Нашиот натпреварувач Дамјан Давков освои 39 поени и се закити со сребрен медал.
И нашите јуниори имаа успешен настап: екипно го освоија 22. место.
Конечните резултати можете да ги погледнете тука:
Официјалната веб страна на Европскиот математички куп, каде се објавени конечните резултати, е: https://emc.mnm.hr/competition/results/
Задачите од натпреварот можете да ги погледнете на: https://emc.mnm.hr/competition/problems/
Во продолжение ги објавуваме подготвителните тестови за натпреварот.
Категорија Сениори
Категорија Јуниори
Веруваме дека ваквиот сериозен пристап на СММ придонесува за континуирано успешните настапи и остварени резултати. Срдечни честитки до сите македонски натпреварувачи!
Ваш СММ!