Категорија: Натпревари

Во прилог се конечните резултати од Вториот меморијален натпревар Александар Блажевски – Цане. Им честитаме на сите натпреварувачи за успешниот настап и прикажаните солидни знаења.

Согласно постигнатите резултати, прикажани во следната табела, натпреварувачкиот дел од македонската екипа на овогодинешната Европска Женска Математичка Олимпијада (EGMO 2021) ќе го сочинуваат:

• MKD 1 Марија Атанасова
• MKD 2 Ивона Зикова
• MKD 3 Јасна Илиева
• MKD 4 Емилија Николовска

Водач на екипата e Д-р Анета Гацовска-Барандовска, а заменик-водач е Ерблина Зеќири. …

Викендов се одржа Вториот меморијален математички натпревар во знак на прерано починатиот македонски математичар и олимпиец Александар Блажевски – Цане. Учество зедоа 15 од најдобрите македонски натпреварувачи, а  конкуренцијата ја збогатија и 6 од најдобрите српски натпреварувачи. 
Во прилог се задачите со официјалните решенија и распределба на поени, прелиминарните резултати како и неколку фотографии кои ја доловуваат атмосферата од текот на натпреварот.…

Во врска со натпреварите по математика во учебната 2020/2021 година, Управниот одбор на СММ донесе одлука:

• Општинските и регионалните натпревари за учениците од основно и средно образование ќе се одржат електронски
• Државните натпревари за учениците од основното и средното образование, ќе се реализираат со физичко присуство, во просториите на Природно-математичкиот факултет во Скопје.

Почитувани натпреварувачи,

Ве известуваме дека второто издание на меморијалниот математички натпревар во чест на прерано починатиот голем македонски математичар Александар Блажевски-Цане ќе се одржи на 9-10 јануари 2021 година.

Ги покануваме да учествуваат учениците кои оваа учебна година се во основно или средно образование и освоиле медал или пофалба на барем еден од следните четири натпревари: Првиот меморијален натпревар, ММО 2020, ЈММО 2020, ЕГМО 2020.…

Почитувани,

заврши 37-та Балканска математичка олимпијада, која виртуелно се одржа од 31.10.2020 до 05.11.2020. Овогодишна земја-домаќин на балканијадата беше Романија и учествуваа 17 држави – 10 балкански држави учеснички, и осум гостински тимови.

Македонија ја претставуваа следните ученици: 

• Никола Спировски – 30 поени  (сребрен медал)
• Дамјан Давков – 23 поени  (бронзен медал)
• Алек Јармов – 21 поен (бронзен медал)
• Лука Грашкоски – 20 поени  (бронзен медал)
• Кристина Тасева – 12 поени  (пофалница)
• Бојан Димовски – 7 поени 

Водач на тимот беше Никола Велов, а заменик водач Борче Јошевски.…

Почитувани,
Би сакале да ви ја претставиме екипата што ќе не претставува виртуелно на Балканската Математичка Олимпијада во Романија.

На нашите натпреварувачи им посакуваме голем успех. Водач на екипата ќе биде Никола Велов, а заменик водач Борче Јошевски.…

Почитувани,

во периодот од 18.09.2020 до 28.09.2020 се одржа (виртуелно) 61 Меѓународна Математичка Олимпијада. Нашите ученици Лука Грашкоски, Дамјан Давков, Бојан Димовски, Благоја Младенов и Кристина Тасева освоија пофалници. Честитки до сите членови на нашиот тим и уште поголеми успеси во иднина.

Резултатите на нашиот тим се наоѓаат во следната табела:

Сите детали околу организацијата, церемонијата на отворање и затворање на олимпијадата, задачите и решенијата на официјалната веб страна и овде.…

Почитувани,

екипата која ја претставуваше нашата земја на Јуниорската математичка олимпијада, водачот, заменикот водач и претседателот на СММ во среда, 23.09.2020 година, беа на прием кај Министерката за образование и наука, Мила Царовска, а во четврток, 24.09.2020 година на прием кај претседателот на Република Северна Македонија, Стево Пендаровски.

Во пријатна атмосфера низ срдечен разговор, јуниорите добија признание и пофалби за постигнатиот успех и поддршка за нивните идни планови и активности.…

Почитувани,
Во периодот од 09.09.2020 до 13.09.2020, се одржа (виртуелно) 24. Јуниорска балканска математичка олимпијада ЈБМО 2020. Нашата екипа се состоеше од 8 члена, од кои 6 натпреварувачи, Делчо Лешковски-лидер и Борче Јошевски-заменик лидер на екипата. Постигнати се фантастични резултати, остварен е еден од најголемите успеси на нашата држава на ЈБМО.…

Почитувани,

Комисијата за Македонска математичка олимпијада за учениците до 15,5 години (ЈММО) и меѓународни натпревари за учениците до 15,5 години ја изготви прелиминарната ранг листа од JММО 2020.

Од причини што утре е последниот ден за пријавување на нашата екипа на ЈБМО 2020, приговори може да се поднесуваат до недела, 06.09.2020 година, до 11 часот, на dleskovski@gmail.com.…