Почитувани натпреварувачи,
Ве известуваме дека петтото издание на меморијалниот математички натпревар во чест на
прерано починатиот голем македонски математичар Александар Блажевски – Цане ќе се одржи
на 27-28 јануари 2024 година.
Станува збор за натпреварување од олимписки формат: се состои од шест задачи (по три во два
натпреварувачки дена), за чие решавање се предвидени по 4 и пол саати дневно. Натпреварот се реализира во две категории: ЈУНИОРИ и СЕНИОРИ. Тежината на задачите во категоријата ЈУНИОРИ (одн. СЕНИОРИ) е приближна на тежината на задачите од последното издание на ЈММО (одн. ММО). Списоците на поканети по категорија можете да ги погледнете тука и тука. Очекуваме да земат учество сите наградени на 27. ЈММО и сите наградени учесници на 30. ММО.
Воедно, натпреварот претставува и единствено изборно натпреварување за ЕГМО 2024. Во
конкуренција (за четиричлената македонска екипа) се сите натпреварувачки во категоријата
СЕНИОРИ. Оттаму, секоја ученичка која е поканета во категоријата ЈУНИОРИ може да одбере да се натпреварува во категоријата СЕНИОРИ.
Натпреварот ќе се одржи во просториите на Природно-математичкиот факултет во Скопје.
Поканетите учесници ги очекуваме пред зградата на ПМФ најдоцна до 9:30 часот. Почетокот е во 10 часот.
Во име на Комисијата за ММО и меѓународни натпревари за средно образование
Мирко Петрушевски
Ваш СММ!