Почитувани,
Со неизмерна среќа и радост, ја споделуваме со вас веста за огромниот успех кој нашата екипа го постигна на EGMO 2020. Македонската екипа го постигна најдобриот резултат од сите досегашни учества на овој натпревар.
Медали освоија:
- Јасна Илиева-сребрен медал
- Анастасија Тортевска-бронзен медал
- Христина Митреска-бронзен медал
Одличен резултат постигна и ученичката Кристина Тасева, која за малку не освои пофалница.
Подетално за организацијата на EGMO 2020, задачите и резултатите овде.
EGMO 2020 се одржа во периодот 15-21.04.2020. Олимпијадата беше планирана да се одржи во Egmond an Zee, Холандија, но заради настанатата ситуација и пандемијата од Ковид 19 вирусот, организаторите решија овој пат настанот да биде целосно во виртуелен формат. Сите активности се одвиваа онлајн, вклучувајќи го и натпреварот. Со онлајн контрола, 204 натпреварувачки, од 53 земји од светот, во текот на два дена, решаваа по 6 задачи. Сите во своите земји, но сепак сите заедно. Нашиот тим го освои го 16-тото место во екипен пласман.
Честитки до сите кои директно учествуваа во подготовките на нашата екипа и на тој начин го овозможија овој успех.
Проф. Анета Гацовска-Барандовска
Водач на МКД тимот на ЕГМО 2020