Најнови соопштенија
31.08.2024 – Пријавување учество на Есенската математичка школа 2025
Опис на Есенската математичка школа 2025
Сојузот на математичари на Македонија по седми пат ја организира Есенската математичка школа за учениците од основните и средните училишта од целата држава. Оваа година предавањата на школата ќе бидат во три дела – тематска настава, олимписка математика за јуниори и олимписка математика за сениори.
ПРВ ДЕЛ
Учесници (тематска настава): ученици од 4 до 9 одд. и ученици од 1 до 4 год.
Датуми на предавањата (тематска настава): 4, 18, 25 октомври, 1 и 8 ноември 2025 год.
Датум на полагање завршен тест (тематска настава): 23 ноември 2025 год.
Место (тематска настава): Природно-математички факултет, Скопје
Делот од школата именуван како тематска настава е наменет за сите ученици кои ја сакаат математиката и сакаат да ги откриваат убавините на математиката со продлабочување на постоечките знаења и стекнување нови знаења и вештини. Наставата ќе се реализира во 20 часа, по што следи завршен тест. Секој редовен ученик-учесник на Школата ќе добие сертификат за учество, а најдобрите на завршниот тест ќе добијат и дипломи за постигнатиот успех на тестот.
ВТОР ДЕЛ
Учесници (олимписка математика за јуниори): ученици од 7 до 9 одд.
Датуми на предавањата (олимписка математика за јуниори): 15, 22, 29 ноември, 13 и 20 декември 2025 год.
Место (олимписка математика за јуниори): Природно-математички факултет, Скопје
Делот од школата именуван како олимписка математика за јуниори е наменет за учениците кои се натпреваруваат по математика, добитници се на награда на државниот натпревар по математика во 2025 година и сакаат да стекнат вештини и знаења потребни за натпреварите од олимписки карактер. Наставата ќе се реализира во 20 часа. Секој редовен ученик-учесник на Школата ќе добие сертификат за учество.
ТРЕТ ДЕЛ
Учесници (олимписка математика за сениори): ученици од 1 до 4 год.
Датуми на предавањата (олимписка математика за сениори): 4, 18, 25 октомври, 1, 8, 15, 22, 29 ноември, 13 и 20 декември 2025 год.
Место (олимписка математика за сениори): Природно-математички факултет, Скопје
Делот од школата именуван како олимписка математика за сениори е наменет за учениците кои се добитници на медал (злато, сребро или бронза) на Македонската математичка олимпијада 2025 или медал (злато или сребро) на Јуниорската македонска математичка олимпијада 2025. Наставата ќе се реализира во 40 часа. Секој редовен ученик-учесник на Школата ќе добие сертификат за учество.
Термини на предавањата:
- 10:00 – 11:45 ПРЕДАВАЊА
(2 часа од по 45-50 мин. и една пауза од 5-10 мин. околу 11:00 часот) - 11:45 – 12:15 УЖИНКА (30 мин)
- 12:15 – 14:00 ПРЕДАВАЊА
(2 часа од по 45-50 мин. и една пауза од 5-10 мин. околу 13:00 часот)
Теми и предавачи на школата: (наскоро)
Краен рок за пријавување: 24 септември 2025 год.
Начин на пријавување: Пријавувањето на Школата се извршува исклучиво преку формата за пријавување на следниот линк или на копчето „Пријави учество“ на крајот од ова соопштение.
Известување за прием на школата: 26 септември 2025 год.
Котизација за учество (тематска настава 4.10-8.11.2025): 5.000,00 ден.
Во котизацијата се вклучени: 20 часа предавања, завршен тест, материјали за школата и ужинка во деновите со предавања.
Котизација за учество (олимписка математика за јуниори 15.11-20.12.2025): 6.000,00 ден.
Во котизацијата се вклучени: 20 часа предавања, материјали за школата и ужинка во деновите со предавања.
Котизацијата за учество за тематска настава и олимписка математика за јуниори (4.10-20.12.2025): 10.000,00 ден.
Котизација за учество за олимписка математика за сениори 4.10-20.12.2025 не се наплаќа.
Котизацијата треба да се уплати до 29 септември 2025 година на жиро сметка: 300000001276071, банка: Комерцијална банка А.Д.-Скопје, примач: Сојуз на математичари на Македонија, уплатувач: име, презиме, училиште и одделение на ученикот-учесник, цел на дознака: Котизација за Есенска математичка школа 2025. По уплатата на котизацијата треба да пратите копија од уплатата на ems2025smm@gmail.com, најдоцна до 30 септември 2025 година.
Раководител на школата: проф. д-р Ирена Стојковска, Институт за математика, Природно-математички факултет, Скопје
Лице за контакт: м-р Милена Мицковска, Институт за математика, Природно-математички факултет, Скопје
Адреса за контакт: ems2025smm@gmail.com
Главен поддржувач на Есенската математичка школа 2025 е Природно-математичкиот факултет при Универзитетот „Св. Кирил и Методиј“ од Скопје.